 |
| ضيدان بن قضعان |
على عيد انكساري في غرامك قبل تسع سنين
كلمات قصيدة : على عيد انكساري في غرامك قبل تسع سنين ؟ الشاعر ضيدان بن قضعان كاملة، قصائد ضيدان ، أشعار ضيدان بن جضعان ، قضعان ، قصيدة مكتوبة ، قصيده مكتوبه .
على عيد انكساري في غرامك قبل تسع سنين
تذكّرتك وقلت أكلّمك والنية النية
آلو لبيه يا أغلى من ذبحني قبل عام ألفين
و مِت ولا حييت إلاّ على ذكره وطاريّه
أحبك وين ما سجّت عيوني في الزمان الزين
وسجّجني الزمان إلي متاهاته خيالية
ولا سجّيت عن آخر لقا عطّارة البحرين
ودهن العود وأشياء الشيوخ البرجوازية
رعى الله كل يومٍ مرّنا ما قبل ذاك الحين
على ذمّة صُفى الأيام والأحلام وردية
يوم إنك تستحي تذكر إن عمرك وصل عشرين
وأنا ما طاب لي إلاّ ما ورى العشرين بشوية
يحلو أحلامنا ومراهقتنا والبلا بعدين
كشفنا ضحكة أول حلمنا ودموع تاليّه
ولكن ما ندمنا، ليه؟ لأن العالم الحلوين
يعيشون الغلا وفق القوانين السعودية
عفا الله عن ملذات الهوا والعشق والتخمين
وسجّات الغرام ولذة الحب الحقيقية
فديتك يوم تأخذني معك ولا أدري وين
معك من وين ذعذع هواك ومالت الفيّة
غدينا كنّك الشاعر وأنا واحد من الغاوين
نهيم بكل واد من العليّا للعزيزية
وبعد ما فاتنا ركب الحياة وشفت شوف العين
مسارات الطريق والاتجاهات المصيرية
عرفت إن كل شيء له نهاية والنّيا والبين
مصير الشاعر إلي خانت أوزانه قوافيّه
خلاص اعزم على الفرقى ولا لك في رقبتي دين
ترى حنّا تعدّينا الخطوط الاستوائية
تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية
ومع هذا عجزت أسج وأنسى وأترك المقفين
أغصب القلب لكن الغلا قدرة إلهية
أعن لكل ما في نجد حتى شارع الستين
وأحن إلا ذعذع الغربي على أهل الشرق عصرية
وإلا منّه سرى من كل ليلٍ حروة الثلثين
عرفت إن نسبة النسيان دون اثنين بالمية
وفكّرت آتبدوى مع أهل البل وأترك أهل الضين
يجوز البل تنسّي من تبعها عن مشاهيّه
وشريت الوضح لعل وعساي أسلى مع السالين
وقعدت أشد وأنزل في التهاتيه الخلاوية
ولكن ما تغير حال هذا أنت اتحداني لين
نويت أتم نصف الدين والنيّات مقفية
وخذيت من البنات الغيد وحدة وثنتين
عساي أسج عن طاري الهوا وطيوف غاليّه
لكن الوضع هو هو ما تغير والزمان يشين
وحبك كل يوم يزيد في العين الشقاوية
عسى ربي يعافيني ولا يبلاك قول آمين
تراني كنّي اللي واطيٍ له جمرةٍ حيّة
وتراني يوم أكلّمك فديتك عقب تسع سنين
ما غير أهيّض العبرات ولاّ النية النية
على عيد انكساري في غرامك قبل تسع سنين ؟
للشاعر المميز : ضيدان بن قضعان؟