إجراءات زواج السعودي من مقيمة
إجراءات زواج السعودي من مقيمة - ماهي طلبات وشروط الزواج
ماهي وكيف تكون الإجراءات عند الزواج سعودي من اجنبية ، زواج من غير سعودية ، زواج من فتاة مقيمة بالسعودية ، طريقة تقديم طلب زواج من مقيمه اجنبيه . تجربتي بخصوص الزواج من اجنبيه مقيمه و مولوده في المملكة. أتمنى يفديكم |.
زواج سعودي من وافدة من مواليد السعودية ومن أم سعودية وأب غير سعودي :
طلب مقدم شروط زواج سعودي من مقيمة داخل المملكة .
saudi-Procedures
في البداية يروح الخاطب الى محافظة جدة مكانهم شارع المدينة النازل بعد شارع التحلية في جدة . يطلبهم ورقه تقديم على الزواج من اجنبيه مقيمه في السعودية راح تعبي معلوماتك وكم راتبك وفين تشتغل و معلومات البنت من رقم أقامه و رقم شهادة الميلاد طبعا شروطهم الخاطب يكون عمره اكبر من 25 سنه و المخطوبة اكبر من 20 سنه .الطلبات اللي مطلوب انك تجيبها بعد ما تعبي الورقة اللي يعطوك إياها كالتالي :
1- معروض موجه الى صاحب السمو الملكي محافظ جده
الخطاب تكتبه بنفسك او اذا تعرف احد يكتبه لك تذكر فيه انك تقدمت للأنسة الفلانية وتكتب الاسم رباعيا ثم جنسيتها . وتكتب مكان ولادتها وانها مقيمة مع عائلتها . وتكتب كم جمله لسمو الأمير تفيد انك تقدمت لهؤلاء الناس ووجد فيهم الصلاح ومن هذا الكلام. في نهاية المعروض تكتب اسمك رباعيا و رقم هويتك و جوالك :
2- صوره من الهوية تكون واضحه
3- صورة من دفتر العائلة للمتزوجين
4- اصل تعريف من العمل بالراتب
5- صوره من شهادة ميلاد المخطوبة
طبعا الصور لازم تكون مصدقه من الصحة ( مكانهم طريق مكة القديم بعد تقاطع مكة القديم و شارع الإسكان و انت متجه شرق عند مركز الدرن ) اسم المركز اداره المعلومات و الوثائق. طبعا انا رحت بنفسي وكان معانة معيا شهاده ميلاد المخطوبة ولكن ما وافقوا انهم يعطوني صوره مصدقه ومختومة منهم لان لازم ولي امر البنت يسويها بنفسه من عندهم . طبعا يطلبوا الشهادة الأصل بالإضافة لهوية البنت و والدها الأصل و صورتين منهم .
6- صورة من إقامة المخطوبة وولي امرها
7- صورة من جواز المخطوبة وولي امرها
8- صوره صك الطلاق للخاطب و المخطوبة ان وجد
9- إقرار من ولي امر المخطوبة بالموافقة على زواجها ويكون موقع منه يكتب فيه ولي امر المخطوبة انه لا مانع عنده من زواج ابنته فلانه على المواطن فلان . و يكتب اسمه رباعيا ورقم الهوية و يوقع.
10- اذا كان سبب الزواج من اجنبيه سوء الحالة الصحية يرفق تقرير طبي من مستشفى حكومي بحالته.
11- تعريف سكن من العمدة للطرفين
الي انا عملته أولا اني طلبت من والد البنت يكتب إقرار الموافقة و يخلص موضوع صورة شهاده الميلاد وورقه العمدة . طبعا الورقة من العمدة راح يسال العمدة لأي غرض ف يقولوا له الزواج من اجنبيه مقيمه . طبعا العمدة غالبا موضوعه يطول بحكم ان أحيانا يكون عمده الحي موم تواجد يوميا أحيانا يطلب طلبات من فاتورة مويه وكهرباء وغيرها وهذا يعتمد ويختلف من حي ل حي . عن نفسي خلصني إياها في لحظتها بينما اهل البنت طول الموضوع معاهم أسبوعين. طبعا العمدة راح يطلب هويتك وصوره منها . بالنسبة لصوره شهاده الميلاد ف امرها بسيط ويأخذها في لحظتها .
طبعا بعد ما تجمع كل المتطلبات هذه تأخذها في ملف علاقي الى محافظة جده و تقدمها في الشباك هناك . راح يوصلك مسج على الجوال برقم المعاملة . بهذا الرقم ممكن تدخل على موقع الأمارة وتستعلم عن حالة المعاملة . على الرابط التالي :
ومع كل انتقال للمعاملة من اداره حكومية للثانية راح توصلك رساله على الجوال , ولكن اذا انتقلت داخل الأمارة مارا توصلك أي رساله لكن تغيير الحالة يظهر في الموقع .
بعدها بأسبوع تقريبا وصلتني رساله بان المعاملة تحولت الى شرطه محافظة جده ورقمها كذا . طبعا شرطه جده ما راح يتصلوا عليك بعد ما تتحول المعاملة بيومين ثلاثة روح لهم بنفسك , مكانهم في حي النسيم . لما تدخل عندهم اسال الاستقبال وقول له عندي معامله و اساله عن قسم الاتصالات . راح يسالك عن رقم المعاملة وهويتك ويعطيك ورقه فيها رقم و موعد عشان تراجع عندهم قسم الزواج . تعال على الموعد في نفس المبنى خلف الاستقبال فيه المصاعد اطلع الدور الثالث اول ما تخرج من المصعد روح يسار في يسار بعدين روح السيب على يدك اليسار تحصل كراسي عند مكتب . هناك قول له اسمي كذا وعندي موعد ومعامله رقم كذا . راح يشيك على الأوراق و يعطيك ورقتين الأولى الى الأحوال المدنية والثانية ورقة الفحص الطبي . ويطلب منك مجموعه طلبات
1- تعريب بالراتب
2- برنت من الأحوال المدنية مع تعديل المهنة اذا الزم
3- صورة بطاقتك الشخصية
4- صوره صك الطلاق ان وجد
5- صورة الفحص الطبي مع الأصل
6- صورة شهاده ميلاد المخطوبة مصدقه
7- صورة إقامة المخطوبة و الأصل للمطابقة
طبعا هذه الطلبات مالها علاقه بالطلبات اللي اعطيتهم إياها قبل كذا فلازم تجيبها ثاني . اعتقد الغرض منها مقارنه المعلومات فقط .
طبعا ورقه الأحوال المدنية تروح أولا عن طريق ابشر تحجز موعد لطلب برنت و أيضا لتعديل المهنة اختار الفروع اللي ما عليها زحمه مثل فرع الجواد الأبيض . طبعا اذا تغيرت مهنتك الحالية عن المكتوب في نظام الأحوال فمثلا لو مسجله طالب وانت حاليا موظف لازم تغيرها من الأحوال . طبعا اول شيء لازم تروح للموارد البشرية في عملك وتطلب ورقه بتغيير المهنة وتقول لهم للأحوال . راح يعطوك إياها في ظرف تأخذها وتروح على موعدك للأحوال وتخلص امورك . ضروري جدا تطلب منه يكتب على البر نت بعد ما يختم عليه ان البر نت لغرض الزواج من اجنبية.
بالنسبة للفحص الطبي اول شيء تدخل موقعهم وتحجز لك ولها موعد
تأخذ الورقة اللي اعطوك إياها وتروح للمركز الإقليمي على الموعد , طبعا مكانه في مستشفى الملك عبدالعزيز في المحجر جنوب جده .تأكد ان عندك صورتين شخصيه لك وصورتين شخصيه للمخطوبة طبعا بعد ما توصل راح يعطيك انت و المخطوبة ورقه تعبيها فيها معلوماتك بالإضافة تحدد اذا عندك أي امراض . بعدين تنتظر دورك . لما يجي الدور عند الشباك راح يطلب منك رسوم الكشف الطبي للمخطوبة قيمته 700 ريال تدفعها كاش . بعد ما تخلص التحاليل تنتظر مده 10 أيام عمل ( لا تحسب الجمعة و السبت ) وتراجعهم وتأخذ النتائج .
اللي حصل معي ان النتائج ضيعوها فطلبوا مني صوره شخصيه لي و للمخطوبة عشان يعيدوا طباعه التقرير الطبي , وما كان عندي صور فأجلت الموضوع يومين الى ان حصلت على الصور وذا كان سبب تأخير من المستشفى وحاله خاصه ما حصلت الا معيا . لكن من باب الاحتياط خلي معاك صور زياده لك ولها . التقريرين منفصلين موب نفس لما يكون الطرفين سعوديين يجي في ورقه وحده .
طبعا الطلبات هذه اللي طلبوها الشرطة اقل شيء ممكن تكملها فيه شهر بحكم المواعيد حق المستشفى و الأحوال
طبعا بعدين تأخذ التقرير الطبي لك ولها , مع البر نت من الاحول و الطلبات اللي طلبوها الشرطة . تقدمها في نفس المكتب اللي طلبوها منك . الموظفة هناك اعطاني موعد بعد 40 يوم تقريبا وقال لي اجي في اليوم الفلاني و اراجع . طبعا ديك اللحظة شعرت بإحباط لبعد الموعد ولكن سلمت امري لله .
المفاجئة بعد ما قدمت الأوراق باقل من أسبوع وصلتني رساله علي الجوال ان الطلب تحول من الشرطة اليهم وحولوها لقسم الزواج عندهم . وبعدها بيومين دخلت على موقع المحافظة اشيك على المعاملة لقيت الحالة تغيرت الى الإدارة العامة للحقوق بإجراء التأشير . بعدها بيومين شيكت وتغيرت الحالة الى انه تم تحويلها الى الاتصالات الإدارية وحالتها موقعه وفي نفس اليوم تغيرت الحالة الى "صدرت الى رئيس الدوائر النهائية بمحكمة الأحوال الشخصية برقم كذا .
طبعا انا رحت محكمة الأحوال اللي في حي الفيحاء في جدة وتفاجئ انهم غيروا مكان معاملات الزواج الى محكمة التنفيذ , مكانها طريق المدينة الطالع بعد تقاطع قريش . بحكم ان المعاملة تترسل من المحافظة الى المحكمة بالبريد ف تأخذ من أسبوع الى 10 أيام . بعد المدة هذه راجع المحكمة , في الدور السابع اول ما تخرج من الأسانسير اول لفه يسار و اول مكتب على يدك اليسار الصادر و الوارد . هناك اسال عن معاملتك . راح يطلب هويتك و الفحص الطبي الأصلي لك و للمخطوبة . بعدما يراجع الأوراق راح يعطيك موعد قريب ( يومين او ثلاث ) او أسبوع الى أسبوعين حسب اختيارك وتوفر المواعيد . وراح يعطيك ورقه صغيره ويطلب منك تعبي بيانات في الموقع حق وزارة العدل على الرابط :
تروح على الموعد وتجيب معاك شاهدين . طبعا تروح المحكمة بدري عشان تأخذ رقم , لان الدخول على القاضي بالأرقام . وتنتظر الى ان يأتي دورك تكتب العقد وتسلم المهر.
والف مبروك .اعتقد نفس الطريقة تنطبق لو كانت المخطوبة هي الطرف السعودي . واي استفسار انا حاضر
أتمنى يفديكم الموضوع جميعا وأتمنى منكم دعوه لي بظهر الغيب منقول .